Matthew dhe Maria Raine thonë se gjatë disa muajve të vitit 2024 dhe 2025, ChatGPT-ja krijoi një lidhje shumë të ngushtë me djalin e tyre, Adam, i cili më pas kreu vetëvrasje. Sipas padisë, në bisedën e fundit më 11 prill 2025, ChatGPT i dha Adamit këshilla për të vjedhur vodka nga prindërit dhe e ndihmoi të përgatisë litarin me të cilin më pas kreu aktin fatal. Adam u gjet i pajetë disa orë më vonë, duke përdorur këtë metodë.
Padia përfshin dhe fjalë shqetësuese të chatbot-it, si “nuk i detyrohesh askujt të mbijetosh”, dhe pretendon se ChatGPT i dha ndihmë për të shkruar letrën e vetëvrasjes. Familja kërkon dëmshpërblim dhe masa sigurie që të ndalojnë automatikisht bisedat për vetëdëmtim dhe të aktivizojnë kontrollin prindëror për përdoruesit e mitur.
Organizata Common Sense Media e konsideron përdorimin e AI-së për këshillim shëndetësor tek adoleshentët si një rrezik të madh dhe të papranueshëm.
Ky rast hedh një dritë të fortë mbi përgjegjësitë e kompanive të teknologjisë dhe sfidat e përdorimit të inteligjencës artificiale në jetën e përditshme.
