Në dhjetor të vitit që kaloi, moderatorja Bora Zemani hoqi dorë nga flokët e zinj dhe menduam se look-u i ri do të zgjaste disa kohë.
Ajo i ktheu flokët në ngjyrë çokollatë e më tej në nuanca të bjondes dhe dukej se po e pëlqente goxha pamjen e re.
https://www.instagram.com/p/B8OR9FoDQlU/
Mirëpo, pa kaluar 2 muaj Bora vendosi t’i kthehej sërish look-ut të vjetër.
Në postimet e saj në InstaStory, moderatorja tregoi se po bënte sërish ndryshime në pamje, ndërsa më vonë zbuloi edhe ngjyrën e flokëve.
Ajo u rikthye në brune, look me të cilin na është mësuar syri dhe duhet ta pranojmë se duket tepër tërheqëse.
“Sërish brune”- shkruan Bora krahas fotos, duke lënë të kuptohet se ngjyra natyrale e flokëve është ajo që i pëlqen më shumë.
Kjo është ndër të pakëtat herë që Bora ka guxuar me flokët e saj duke e çelur ngjyrën e tyre, pasi prej vitesh moderatoren jemi mësuar ta shohim brune dhe duket se “tradita” do të vazhdojë kështu.
