Ish-deputetja e LSI-së, Nora Malaj ka treguar për “News 24” vuajtjet që ka kaluar për 3 javë në spital, pasi ishte infektuar me Covid-19.
Malaj tregoi se fillimisht kishte menduar se ishte ftohje, ndërsa gjendja e saj ishte përkeqësuar edhe për shkak të diabetit.
Ish-deputetja tregoi se ka humbu 6 kilogramë për shkak të virusit, ndërsa ndryshimi i saj është tepër i dukshëm.
Ajo rrëfeu se gjithashtu bashkëshorti i saj ishte infektuar me Covid-19, por në një shkallë më të lehtë, ndërsa të dy djersinin shumë gjatë këtyre ditëve.
“Kam kaluar tre javë jo të lehta…Se dija që ishte covid, mendova që ishte ftohje. E ndjeva veten të dobët, kisha temperaturë dhe kollë. Bisedova pastaj me mjekun Pipero, u alarmua edhe ai për shkak të diabetit që e kam pak të agravuar. Bëra disa analiza, u konstatua që ishte korona. Skaneri e përcaktoi përfundimisht se kisha arritur kulminacionin në ditën e 5-të. Kam marrë holluës gjaku për ta përballuar, më ka lënë disa probleme edhe tek sytë, por edhe në rrugët urinare. Rashë gati 6 kg brenda 21 ditëve.
E mori edhe im shoq nga unë. Ai e pati në dozë më të lehtë, unë e kisha më të vështirë se më rritej edhe diabeti. Djersinim pafund të dy.”- ka treguar Malaj.
