Presidenti i vendit Ilir Meta u dorëzoi ditën e sotme dekretet e emërimit rektorëve të universiteteve publike, të shpallur fitues nga zgjedhjet e 30 korrikut.
Mes rektorëve të ftuar në ceremoni ka qenë edhe Arben Gjata, rektori i Universiteti të Mjekësisë, i cili në të njëjtën kohë është edhe kreu i Task Forcës Anti-Covid.
Në fotot e siguruara nga Newsbomb shihet se gjatë ceremonisë kamerat kanë fokusuar në një moment të sikletshëm rektorin Gjata i cili për shkak të tempertuarave të larta ka përdorur maskën për të fshirë djersët.
Kujtojmë se maska përdoret si mjet parandalues për përhapjen e Covid-19, por mesa duket rektori Gjata e ka përdorur edhe si “shami për fshirjen e djersëve”.
Një veprim i tillë nuk është aspak korrekt dhe nuk duhet të merret shembull, përkundrazi është një rast i shëmtuar sidomos nga fakti se në të përfshihet rektori i Universitetit të Mjekësisë dhe kreu i Task Forcës./gazetareforma
