Ndërron jetë një paciente e re me COVID-19 tek Infektivi!

Një paciente 44-vjeçare e infektuar me koronavirus ka ndërruar jetë mëngjesin e sotëm në spitalin e Infektivit.

Burime për AbcNews bëjnë me dije se gruaja ishte shtruar në spitalin Infektiv, ndërkohë motra e saj vijon të jetë e shtruar në spitalin Sanatorium ku është e intubuar.

Lexo edhe :

Më shumë se kurrë, gratë në të 40-at po lidhen me meshkuj më të rinj se vetja/ A po përqafohet ky ‘trend’ edhe në Shqipëri?

15:39 06/02/26

Arbana Osmani: E kam dënuar veten që u mërzita kur mora vesh se isha shtatzënë me vajzën, nuk isha gati për një fëmijë tjetër

12:06 06/02/26

Pozitive me COVID-19 ka rezultuar edhe nëna e tyre. Pacientja me profesion farmaciste mësohet se vuante nga diabeti, por nuk e kishte ditur më parë se ishte bartëse e kësaj sëmundjeje.

Viktima 44-vjeçare ka lënë pas një vajzë 13-vjeçare. Për këtë humbje jete, nuk ka ende një reagim nga Ministria e Shëndetësisë, e cila e ka shtyrë buletinin informativ për në orën 16:00 për shkak të fluksit të madh!

Dje ministria informoi se në 24 orët e fundit, tre qytetarë nuk e kanë fituar dot betejën me COVID-19, një 77-vjeçare dhe një 83- vjeçar nga Tirana me sëmundje bashkëshoqëruese dhe një 68-vjeçar nga Hasi pa sëmundje të tjera.

Bilanci nga pandemia vijon të thellohet çdo ditë dhe tashmë numri total i vdekjeve ka shkuar në 124.

/Iconstyle.al