Koronavirusi vijon të marrë jetë dhe mbrëmjen e sotme vjen një lajm i trishtë nga spitali Infektiv.
Mësohet se Ilir Nerguti 50-vjeç, efektiv në Drejtorinë e Policisë Tiranë, i infektuar me COVID-19 ka humbur jetën mbrëmjen e sotme.
Ditën e sotme, gjendja shëndetësore e Nergutit u rëndua duke bërë që punonjësi i Policisë së Shtetit të ndërrojë jetë. Covid-19 i kishte dëmtuar shumë mushëritë.
Nerguti ishte babai i dy fëmijëve dhe ishte shtruar në spitalin Infektiv prej 3 javësh, pasi ishte infektuar nga i ati i tij i cili ndërroi jetë 15 ditë më parë po në Spitalin Infektiv në moshën 82-vjeçare.
Në 24 orët e fundit janë shënuar 4 viktima nga Covid-19 në vendin tonë, duke e çuar numrin total të të vdekurve prej fillimit të epidemisë në 347. Fatkeqësisht, e kanë humbur betejën me COVID19 një 66 vjeçare nga Kukësi, një 69 vjeçar nga Kurbini, një 70 vjeçar nga Elbasani dhe një 72 vjeçar nga Tirana
Sakaq, në përditësimin e përditshëm të të dhënave, Ministria e Shëndetësisë informoi se në 24 orët e fundit janë kryer 817 testime dhe janë konfirmuar 132 raste.
/gazetareforma
