Aktori i njohur i “Friends”, James Michael Tyler, i njohur me rolin e tij si ‘Gunther’ ka ndërruar jetë në moshën 59-vjeçare.
“Tyler ndërroi jetë paqësisht në shtëpinë e tij në Los Angeles të dielën në mëngjes”, thuhet në një deklaratë nga menaxheri i tij.
Tyler u diagnostikua me kancer të avancuar të prostatës në vitin 2018, i cili më vonë u përhap në kockat e tij.
Pak muaj para se të ndërronte jetë ai ka zbuluar se ishte duke u përballur me këtë sëmundje që nga shtatori i vitit 2018, por e ka mbajtur të fshehtë nga publiku.
Reagimet nga kasti i Friends, nuk mund të mungonin.
Jennifer Aniston ka postuar një video në Instagram me shkrimin:
“Friends nuk do ishte njësoj pa ty. Faleminderit për të qeshurat që i solle serialit dhe të gjithëve ne. Do na mungosh shumë.”,- ka shkruar Jennifer.
Courteney Cox shkroi në postimin e saj, “Mirënjohja e madhe që solle në set është e njëjtë me sasinë e mirënjohes që ndjej për faktin që të njoha. U prefsh në paqe, James.”
Matt LeBlanc ndau një foto të tij dhe Tyler në setin e Friends dhe shkroi: “Ne patëm shumë të qeshura, mik. Ti do te me mungosh. RIP, miku im.”
Dhe Lisa Kudrow postoi: “James Michael Tyler, do të na mungosh. Faleminderit që jeni atje për të gjithë ne. ”
David Schwimmer shkroi në Instagramin e tij, “James, faleminderit që luajtët një rol kaq të mrekullueshëm, të paharrueshëm në Friends dhe që ishit një zotëri kaq zemërmadh kudo jashtë ekranit. Do të na mungosh, shok. ”
Matthey Perry nuk ka reaguar ende. Ai nuk i përdor shumë rrjetet sociale dhe vet është përballur me varësi nga më të ndryshmet.
