Pasi u shpall si një person i implikuar në ngjarjen që ndodhi në zonën e ish-Bllokut, ku mbeti i vrarë një person dhe dy të tjerë u plagosën, Elvana Gjata u shpall në kërkim.
Në ngjarjen e rëndë është i përfshirë edhe i dashuri i saj, Ervin Mata, i cili gjithashtu është në kërkim. Por ndërsa të gjithë presin që këngëtarja të vijë dhe të japë dëshminë e saj për ngjarjen, ajo ka publikuar klipin më të ri.
Kënga vjen në bashkëpunim me PooBear dhe Elvana është bërë një super yll në klipin e publikuar vetëm pak orë më parë.
“Shade” titullohet klipi që mban emrin e PooBear ft. Elvana që vjen në gjuhën angleze dhe me një imazh super të kuruar të këngëtares.
Këngëtarja, e cila nuk i ka bërë asnjë reklamë klipit të ri pas publikimit, duket mjaft tërheqëse me 4 paraqitje të ndryshme, që besojmë se janë realizuar para ngjarjes në ish-Bllok, në muajin mars.
Edhe një herë Elvana na vërtetoi se puna e saj flet më shumë se çdo gjë tjetër.
/Iconstyle.al
