Stresi do mbesë në burg.
Gjykata ka vendosur sot të lërë në burg reperin e njohur Arkimed Lushaj, dy ditë pas arrestimit në një hotel në Linzë ku u kap me drogë dhe armë.
Stresi ka dalë sot para Gjykatës ku u bë rivlerësimi i masës së sigurisë. Reperi akuzohet për trafik droge dhe krime kundër personit.
“Ndalimi i këtij shtetasit u bë pas një hetimi disa mujor në bashkëpunim me Prokurorinë pranë Gjykatës së Shkallës së Parë Tiranë me metoda speciale të hetimit që janë kryer në funksion të një grupi kriminal që operon në Tiranë në lidhje me aktivitetin e kundraligjshëm me tendencë “Trafikim narkotikësh” dhe “Krimeve kundër personit’”, thuhej në njoftimin e policisë.
Por këto akuza janë hedhur poshtë nga prindërit e reperit, të cilët e lidhin situatën me politikën dhe thonë që është një hakmarrje pas padisë ndaj deputetit Taulant Balla.
