Prej pak kohësh, Vesa Luma është rikthyer në vendlindjen e saj, pas një mungese të gjatë. Ajo udhëtoi drejt Shqipërisë me djalin e saj, Lianin, në fillim të verës dhe nuk janë larguar ende. Ata e kanë shijuar në maksimum kohën si në Shqipëri, po ashtu edhe në Kosovë.
Me mbërritjen në vendin e saj, Vesa Luma i preku të gjithë pasi publikoi një foto shumë emocionuese të nënës së saj me Lianin, nipin e mbesën. Këngëtarja publikoi foton dhe u shpreh se kishte frikë se nuk do e arrinte këtë moment pas mungesës së saj prej 2 vitesh.
Megjithatë publiku shqiptar vazhdon t’ja ndjejë mungesën, sepse Vesa nuk ka publikuar këngë të reja prej kohësh. Ndaj gjatë një interviste virtuale dikush nga ndjekësit e ka pyetur se kur do të publikohet ndonjë këngë e re dhe ajo është përgjigjur më në fund.
“Çdo këngë që e kam realizuar deri tash e kam pas për qëllim me i rezistu kohës. Kam shumë këngë që i kam realizuar këtë vit e që i kam hedhur në kosh të plehrave-thjesht s’kanë qenë të duhurat. Tash që jam në tokën time besoj edhe frymëzimi është më pozitiv”, ka qenë përgjigja e këngëtares”, është përgjigjur Vesa.
Sakaq Vesa Luma ka paralajmëruar edhe një koncert live në Shqipëri, që pritet të mbahet para Vitit të Ri.
