Modelja Jenae Gagnier, u gjet e vrarë në apartamentin e saj ditën e diel dhe ky lajm i tronditi të gjithë. Mirëpo edhe pas vdekjes së modeles nuk munguan komentet negative të njerëzve që shprehen se Gagnier ka qenë vetë fajtore pasi publikonte foto provokuese në rrjete sociale.
Për shkak të gjithë këtyre komenteve, Cardi B ka bërë një reagim në rrjete sociale, ku i ka dalë në mbrojtje modeles së ndjerë.
“Shumë e trishtuar dhe shkoni në djall ju k**** që përpiqeni ta justifikoni vrasjen për shkak të stilit të saj të jetesës. Ju i urreni njerëzit qoftë gjallë apo vdekur. Ajo ishte një njeri i ëmbël:, është shprehur reperja gjatë një videoje live në Instagram.
Jeanetta Grover, nëna e Gagnier, ka thënë për mediat e huaja se ajo dhe familja e saj i janë shumë mirënjohës Cardi B, që foli në mbështetje të vajzës së tyre. Familja e modeles ka thënë për “TMZ” se Jenae ishte fanse e Cardi B, duke i frymëzuar ata që të ftonin reperen në varrimin e vajzës së tyre.
Jenae u gjet e vdekur në apartamentin e saj në Teksas ditën e diel, pasi babai e saj Mark vendosi të kontrollonte shtëpinë pasi modelja nuk po ju përgjigjej telefonatave të familjarëve. Pas hetimeve, ekspertët dolën në konkluzionin se Gagnier vdiq nga mbytja dhe tronditja traumatike
