Në gusht të këtij viti, aktorja Olta Gixhari solli në jetë fëmijën e saj të parë, një bebush që e pagëzoi me emrin Amar.
Ajo e lindi djalin në Spanjë, ku është shpërngulur prej disa kohësh për të jetuar me partnerin e saj (ende misterioz).
Megjithëse nuk e ka treguar portretin e të birit, Olta nuk i kursen momentet e ëmbla me Amarin në rrjete sociale.
Siç e ka përshkruar ajo, ardhja në jetë e djalit është një ndër gjërat më të bukura që i ka ndodhur në jetë dhe i biri i ka dhuruar emocionet më të veçanta.
Aktorja është tashmë nënë me kohë të plotë, ndaj ka nisur të përjetojë edhe vuajtjet e para dhe më të ëmblat e mëmësisë.
Në një foto të publikuar në llogarinë e saj në Instagram, Olta rrëfen se i mungon shumë gjumi, si çdo nëne të re që është tërësisht e përkushtuar pas fëmijës së saj.
“T’kem t’flej icik ?! Na ishte njëherë gjumi… Mama me kohë të plotë”- shkruan ajo krahas postimit.
