“Ka qenë një rrugë emocionuese!” Me foton nga fëmijëria, Sara uron kështu Lorin për ditëlindje!

Ditën e sotme, trashëgimtarja e “Top Channel”, Lori Hoxha, feston ditëlindjen e saj. Ajo ka mbushur 27 vjeç dhe në këtë ditë speciale nuk kishin si të mungonin urimet e veçanta.

I tillë ka qenë edhe ai i Sarës, e cila ka publikuar një foto të tyre nga fëmijëria ku shihen të përqafuara, teksa krah saj ka shkruar:

Ka qenë një rrugë e vështirë, shoqja ime! Të dua shumë! Gjithmonë bashkë, do t’ia dalim pavarësisht çdo vështirësie!

I menjëhershëm ka qenë reagimi i Lorit, e cila i ka komentuar: “Të dua më së shumti!”

Ditën e sotme feston ditëlindjen edhe Valdrin Sahiti (KLIKO) dhe javën që lamë pas të dy na bënë të dyshojmë se mund të organizojnë ndonjë festë së bashku.

Valdrini ka publikuar në Instagram një foto të tij dhe ka zbuluar se bashkë me Lorin kanë menduar të organizojnë një festë për ditën e tyre më të rëndësishme. “Sikur kishim në plan një festë”, ka shkruar Valdrini duke përmendur në postim Lorin.

Kjo e fundit ka ndarë postimin e tij në adresën e saj dhe i është përgjigjur: “Gati më ke”.

Nëse bëhet fjalë për një festë të mirëfilltë ditëlindjeje, me siguri do të jetë një nga më madhështoret dhe më me stil që kemi parë deri më sot, duke qenë se të dy kanë shumë njohje dhe janë dy nga personazhet më “fashion” të Shqipërisë.

Mbetet për tu parë.