Kënga “Con Calma” e Daddy Yankee-t me Snow-n është një prej ë supersukseseve të industrisë latine të muzikës për këtë verë, duke numëruar plot 1,1 miliardë shikime në Youtube.
Një djalë shqiptar i cili realizon herë pas here cover-a me çifteli të këngëve të famshme, Jurgen Peçnikaj, publikoi në Instagram një variant të këngës hit të klubeve me çifteli, të remiksuar me një potpuri këngësh tradicionale nga Tropoja.
Videoja e publikuar në prill ka 9 mijë shikime në Instagram.
Megjithatë, djali i cili jeton në Gjermani mundi të rrëmbejë vëmendjen e artistit portorikan, i cili e publikoi në Instagram-in e tij në Instastory.
Daddy Yankee numëron thuajse 30 milion ndjekës në Instagram-in e tij.
