Ajo nuk ka tërhequr vetëm vëmendjen e fansave, por edhe të medias. Dua Lipa është zgjedhur si personazhi në koverin e revistës “Hunger”, ku tregoi se burim i frymëzimit të saj ka qenë babai, Dukagjin Lipa, këngëtar i mirënjohur i rokut në Kosovë.
“Babai im është një muzikant nga Kosova, kështu që unë e jam rritur gjithmonë me muzikën në shtëpi”, shprehet 21-vjeçarja.
Në një intervistë për revistën ”Hunger” ajo citoi Sting, David Boëie dhe Stereophonics, si idhujt e saj muzikor.
Kjo revistë e ka cilësuar Lipën si një këngëtare në rritje, duke theksuar se këngët e Lipës tërhoqën më shumë se 115 milionë shikime në “YouTube”. “Hunger” shkruan se Dua Lipa ka lindur në Londër, pasi prindërit e saj etnikë shqiptarë u zhvendosën atje nga Prishtina gjatë viteve ’90.
Lidhur me tekstet e këngëve të saj, Dua u shpreh se ato nuk janë reflektim të personit të saj.
“Shumica e frymëzimit tim vjen nga trishtimi, sepse është emocioni që i qëndron në mendjen time dhe mënyra më e lehtë për të marrë gjërat është me anë të muzikës”, thotë këngëtarja 21-vjeçare.
Dua publikoi koverin e revistës në profilin e saj në “Instagram”, për të cilën shprehet se është e emocionuar dhe e nderuar.
Burimi: Hunger
