Ermal Mamaqi publikoi sot në Instagram një foto të modifikuar me Photoshop, ku në trupin e një burri muskuloz, ka vendosur fytyrën e vet duke i bërë ndjekësit konfuzë.
Në fakt, duket se ka zgjedhur këtë mënyrë për të tërhequr vëmendjen drejt projektit të tij të ri.
“Gati për filmin tjetër”, shkruan Ermali në Instagram.
Dje, “Xing” publikoi lajmin se Ermal Mamaqi po realizon një tjetër film, nisur nga suksesi që pati “Dy Gisht Mjaltë” me Elvana Gjatën.
Sipas medias së Mamaqit, kasti do të ketë emra shumë të njohur të filmit shqiptar dhe jo vetëm.
“Femrat” ishte filmi i parë i Ermal Mamaqit si producent.
Me komedinë e vendosur në situata tipike shqiptare dhe në ambientet e kryeqytetit, Ermal Mamaqi duket se ka gjetur formulën sesi të shesë një film me sukses në kinematë shqiptare por edhe jashtë në Austri, Gjermani, Zvicër, etj.
