Qershori duket se është çifti i ndarjeve për celebrities! Pas dy ndarjeve brenda tre ditësh, një tjetër lajm i keq vjen tashmë për lidhjen e këngëtares Demi Lovato me Wilmer Valderrama. Çifti i ka dhënë fund lidhjes pas 6 vitesh së bashku.
Lajmi është bërë i ditur nga vetë këngëtarja nëpërmjet një postimi në “Instagram”. “Ky ishte një vendim shumë i vështirë për të dy, por kemi kuptuar që ndihemi më mirë si shokë të ngushtë. Do jemi gjithmonë të gatshëm për të mbështetur njëri-tjetrin. Falënderojmë këdo që na ka ofruar dashuri dhe suport gjithë këto vite”, shkruhet në shënimin e Demit.
Lovato dhe Valderrama u takuan fillimisht në vitin 2010 në setin fotografik “Voto Latino”, dhe që prej atëherë ata kanë qenë të pandarë. Ai i ka qëndruar pranë këngëtares gjatë periudhës kur ajo luftonte varësinë ndaj drogës dhe çrregullimet me ushqyerjen.
Ky lajm vjen vetëm pak ditë pas ndarjes së Taylor Swift nga Calvin Harris dhe asaj të mundshmes së Zayn Malik dhe Gigi Hadid.
Burimi: Vogue
Trending Now
