Tetori është muaji i ndërgjegjësimit për kancerin e gjirit dhe Ministria e Shëndetësisë ka marrë masat e duhura për ndërgjegjësimin e grave në mbarë vendin tonë, duke u ofruar falas shërbimin e mamografisë.
Përmes një postimi në Facebook, Ministrja Manastirliu ka lajmëruar se është vënë në dizpozicion një klinikë e lëvizshme ku do të jenë mamografët e lëvizshëm nëpër qytetet e Shqipërisë gjatë muajit Tetor.
Shërbimi garantohet afër vendbanimit, nëpërmjet programit të konsoliduar të Ministrisë së Shëndetësisë dhe Mbrojtjes Sociale dhe Institutit të Shëndetit Publik, të mamografëve të lëvizshëm, ku vetëm gjatë këtij viti janë realizuar 4073 ekzaminime.
Shërbimi i mamografisë ofrohet gjithashtu veçse në Tiranë edhe në spitalet rajonale të Shkodrës, Durrësit, Vlorës, Elbasanit, Beratit, Korçës, Kukësit, Dibrës dhe Gjirokastrës.
