Prej kohësh përflitet se Mozzik do të bëhet së shpejti baba, pasi partnerja e tij Loredana është shtatzënë. Por deri mbrëmjen e djeshme nuk ishte dhënë asnjë konfirmim nga ana e çiftit.
Në Instagram, Mozzik publikoi një “video-boomerang” me dy këpucë të vogla bebesh në gishtat e tij dhe padyshim që kjo tregon se së shpejti ai do të bëhet prind. Thuajse e njëjta video është publikuar edhe nga Loredana, ndërsa ne tashmë kemi një hamendësim për gjininë e foshnjës që pritet të vijë në jetë.
Atletet janë të markës “Adidas” dhe një bashkëpunimi me Stan Smith edhe kushtojnë nga 45 në 50 dollarë. Nga modeli i tyre dyshimi është që çifti pret të bëhet me djalë.
Aludimet për shtatzëninë e Loredanës filluan që nga postimet e saj në rrjetet sociale, pasi ajo nuk po shfaqte më të gjithë trupin.
Gjithashtu Mozzik ndaloi koncertet e tij deri në fillim të vitit 2019 dhe u zhvendos në Zvicër për të qenë sa më pranë Loredanës.
