Një lajm fantastik vjen për të gjithë fansat e Yll Limanit. Pas suksesit të “Buzët e kuqe” artisti i mirënjohur ka gati edhe këngën e radhës.
Këtë e ka zbuluar vetë Ylli në një status në Twitter, kur është pyetur nga një fanse nëse do publikojë ndonjë këngë të re, duke i dhënë asaj një përgjigje pozitive.
“Dua me të vërtetë shumë një këngë të re nga Yll Limani! Mos po të kërkoj shumë, Yll?”- ka shkruar fansja e këngëtarit, teksa ky i fundit ka shkruar:
“Do ta kesh së shpejti!“- duke na lënë të kuptojmë se projekti i ri është rrugës.
Pak ditë më parë, autori i hitit “Ty” ishte në Tiranë ku ka postuar disa foto të shoqëruara me mbishkrime, që na bëjnë të mendojmë se ndoshta po sjell ndonjë këngë të re.
Në njërën prej tyre ai ka shkruar ” Kush t’ka thënë se m’njeh t’ka rrejt”, kurse në tjetrën “Kon ki me thirr, kur je n’majë të botës dhe apet nuk nihesh mirë”.
Ndërkohë, së fundmi ai na ka paralajmëruar për një këngë të re që do publikojnë së bashku me The Cricket.
Ylli ka shpërndarë një video në rrjetet sociale ku shihet teksa udhëton me makinë ndërkohë në sfond dëgjohet bashkëpunimi i tyre.
Aq sa dëgjohet në video projekti do jetë në anglisht dhe është një këngë tipike vjeshte. (KLIKO)
Risjellim në kujtesë se ata kanë publikuar edhe dy këngë të tjera më parë të këtij stili të titulluara “Autumn leaves” dhe “Friday night”.
