Shakira ka bërë së fundmi një postim në Twitter ku ka habitur ndjekësit e saj. “Nuk ishte faji jot”, shkruan këngëtarja. Por a është ky një mesazh për Pique?
Fansat po aludojnë pikërisht këtë gjë.
Jo vetëm kaq por thuhet se Pique është mërzitur shumë me një intervistë të Shakirës për “ELLE”.
“Mund të them vetëm se unë vendosa gjithçka që kisha në këtë marrëdhënie dhe në familjen time, Gerard, si futbollist, donte të luante futboll dhe të fitonte tituj, dhe unë duhej ta mbështesja atë. Vendosa karrierën time prapa dhe unë erdha në Spanjë, që ai të luante futboll dhe të fitonte tituj dhe ishte një akt dashurie. Falë kësaj, fëmijët e mi mundën të kishin një nënë të pranishme dhe unë kam një lidhje të pabesueshme me ta që është e pathyeshme dhe që na mban”, thoshte më herët këngëtarja.
Ka pasur shumë momente që kanë bërë bujë në sagën e ndarjes së Gerard Pique-s dhe Shakirës, e cila u bë publike disa muaj më parë. Një ndër to ishte sigurisht, vajza që e tradhtonte prej vitesh, Clara Chia Marti e cila punonte prej kohësh në kompaninë e futbollistit “Kosmos”.
Kohët e fundit çifti më i ri, e zhvilluan romancën e tyre, larg Barcelonës duke udhëtuar drejt Parisit. Dyshja u fotografuan shumë të afërt në një restorant në kryeqytetin francez, që më pas rezultoi që ishte i preferuari i Shakirës në Paris.
