Khloe Kardashian tashmë nuk ka më ndjenja për Tristan Thompson, partneri që e tradhtoi 6 muaj më parë, kur ajo ishte shtatzënë me vajzën True.
34-vjeçarja dhe basketbollisti 27-vjeçar nuk kanë kaluar shumë kohë bashkë, që nga nisja e sezonit të NBA-së, ndërsa Khloe do të rikthehet në Kaliforninë e Jugut, sipas një personi të afërm.
“Nuk jam i sigurt sesi gjërat kaluan nga mirë te largësia e tyre prej javësh, por Khloe është shumë mirë”, tha burimi për “People”.
Ajo është e përqendruar në rritjen e vogëlushes dhe sipas burimit Khloe është një nënë e mrekullueshme, që po e shijon shumë këtë fazë.
“Është e fokusuar në gjërat më të lumtura të jetës së saj. True e bën atë më të lumturën në botë”, shtoi burimi.
Duke marrë parasysh marrëdhënien e komplikuar, Khloe nuk ka në plan që të kthehet pas në Ohio për të jetuar me Tristan.
“Nuk shqetësohet për faktin që nuk është me Tristan në Cleveland. Ajo e di se çfarë do në jetën e saj tani. Duket se ajo nuk do që të jetë me Tristan”, tha i afërmi i yllit të reality show-t.
Burimi: Daily Mail
