Pak ditë para ditëlindjes së saj të 52-të, bukuroshja italiane, Monica Bellucci ka realizuar një set fotografik për “Paris Match”, ku ka guxuar të pozojë nudo.
Intervista për revistën franceze, vjen pas publikimit të filmit “On the milky road”, me regjisor Emir Kusturicën, film i cili sapo është prezantuar në Festivalin e Filmit në Venecia. Monica luan rolin e të dashurës së një ushtari që vdes pak para dasmës së tyre.
Aktorja e përshkruan filmin si “një histori e mrekullueshme dashurie kundër sfondit të luftës në Ballkan në mes të viteve 1990 dhe 1994”. E intervistuar nga revista franceze, 52-vjeçarja rrëfen edhe jetën e saj seksuale:
“Dëshira nuk shuhet kur plakesh. Kur je e re ke një dëshirë primare hormonale. Çdo njeri vepron nga impulset. Me kalimin e kohës, ndoshta seksi bëhet më reflektues, por kënaqësia është po aq e fortë…. Kur ndjeshmëria dhe seksualiteti përziehen me dashurinë, është e bukur. Sot, e kam të vështirë të kryej marrëdhënie seksuale pa ndjerë dashuri”.
Për sa i takon meshkujve ajo thotë: ‘Ka diçka erotike tek meshkujt me eksperiencë’.
