Jessica Alba: Ju tregoj rutinën e bukurisë sime (FOTO)

Shumë 35-vjeçare do të donin të kishin imazhin e saj! Aktorja Jessica Alba njihet si një femër shumë e ëmbël, por jo vetëm. Buzëqeshja e saj të jep përshtypjen e një 20-vjeçareje.

Larg skandaleve, e përqendruar në jetën private që arrin të mbajë larg mediave rozë dhe në atë profesionale, Alba është vënë sërish në qendër të revistës “Shape”.

Ajo tashmë është edhe një biznesmene falë linjës së bukurisë “The Honest”, ndërsa së fundmi ka pozuar me bikini të zeza. Në të gjitha fotografitë theksohet bukuria natyrale e saj, ndërsa ajo vjen me disa këshilla.

“Unë kam makijazhin që duket sikur nuk ke vënë makijazh. Kur flitet për rutinën e bukurisë sime, unë përqendrohem në rritje e karakteristikave që më pëlqejnë, si psh: Sytë, buzët dhe majat e mollëzave të mia”, shprehet Alba.

Por ajo pranon se mbulon gjërat që nuk i pëlqejnë, “si rrathët e zinj dhe disa kapilarë. Unë gjithashtu përdor një makijazh me dritëhije për sytë për ditën ose një buzëkuq të guximshëm”. Revista do të dalë në treg më 13 shtator.

Burimi: Daily Mail