Të shikosh pamje nga e kaluara është gjithmonë e çuditshme, është sikur të kthehesh pas në kohë. Por kjo mund të jetë një nga pjesën më sureale që mund të keni parë ndonjëherë.
Pamjet vijnë nga udhëtimi i vetëm i Marilyn në Britaninë e madhe në 1956-n, ku qëndroi për xhirimin e filmit “The Prince and the Showgirl”. Marilyn u shoqërua nga bashkëshorti i saj dramaturg, Arthur Miller dhe udhëtimi siguroi bazën për filmin në 2011, “My Week with Marilyn”.
Kur Arthur dhe Marilyn mbërritën në Londër ata sollën 27 valixhe gjatë udhëtimit dhe paguan 1,039 paund shtesë për bagazhet, që është sikur të paguash 12,000 paund në ditët e sotme.
Martesa e tyre zgjati më pak se pesë vite dhe çifti u divorcua në 1961-shin, duke cituar papajtueshmërinë. Marilyn ishte martuar më herët dy herë, me basketbollistin Joe DiMaggio dhe James Dougherty, me të cilin u martua në moshën 16-vjeçare.
Në pamje ju shikoni se si dy femra, të dyja në moshën 30-vjeçare, të dyja të qeshura me fustane të bukura, i japin dorën njëra-tjetrës. Ai mund të ishte një moment normal. Vetëm se momenti ndodhi mes dy femrave më të famshme në botë, Mbretëreshës së Anglisë dhe Marilyn Monroe.
Mbretëresha festoi 90-vjetorin më 21 prill, ndërsa Marilyn Monroe do të kishte mbushur 90 vjeç vetëm disa javë më pas, nëse nuk do të kishte vdekur në mënyrë tragjikë në moshën 36-vjeçare, në vitin 1962.
Burimi: Marie Claire
