Moderatorja e njohur shqiptare, Jonida Shehu ka veshur fustan nusërie për herë të parë në emisionin e Adi Krastës, në Top Channell, pasi nuk ka bërë dasmë.
Madje sipas saj, në familjen e tyre kjo temë nuk është diskutuar, sepse ata nuk janë tipa që bëjnë organizime të mëdha dhe dasma është shpenzim i madh. Mbi të gjitha Jonida thotë: “Nuk na pëlqen dasma. Unë e kisha ëndërr fustanin e bardhë, por kur kalova të 30-at kuptova se nuk jam nga ato goca që duan patjetër fustan të bardhë. Por sot që e provova ndihem shumë mirë dhe plot emocione”.
Ajo madje ka treguar unazën me diamant që i ka dhuruar partneri i saj dhe për herë të parë Krasta publikon një foto të tijën, duke e cilësuar si një ndër skenografët më të talentuar në Shqipëri. Ai është Albi Çifligu dhe prej disa vitesh tashmë është në një lidhje dashurie me moderatoren dhe gazetaren e njohur.
