Rrjetet sociale janë kthyer në një pikë orientimi për të dalluar se çfarë ka ndodhur mes një çifti. Kohët e fundit është përfolur në media një ndarje mes moderatores së njohur Bora Zemanit, dhe DJ-it Vin Veli.
Por çifti ka hedhur poshtë fjalët se mes tyre ka një ndarje, ndërsa DJ-i ka treguar edhe arsyen se përse nuk e ndjek më Borën në “Instagram”.
“Për këtë e ka fajin një program që kam instaluar së fundmi në telefon, atij duhet t’i kërkoni llogari për këtë. Madje tani që më kujtuat duhet ta ç’instaloj se më ka hapur shumë punë”, ka thënë ai për “Who”.
Babai i Arborit shtoi gjithashtu se si pasojë e angazhimeve të shumta në këtë sezon, jo vetëm në mbrëmje live, por edhe në studio, i ka kërkuar Borës të shkojë bashkë me të birin dhe të vëllain të pushojë në Jug.
“Pas humbjes së babait, dy javë më parë, më duhet të rri më shumë pranë shtëpisë, ndaj nuk mund të shkëputem me pushime. Borës ia kërkova unë të shkonte me pushime bashkë me djalin, sepse ajo nuk ka kohë tjetër dhe unë kam qenë i ngarkuar këto kohë”, ka shtuar ai.
