Gazetari dhe moderatori i njohur, Blendi Salaj rrëfeu dje nga studio e emisionit “Rudina”, historinë e tij të dashurisë. I shoqëruar nga djali i tij Briani ai ndau me publikun shqiptar një pjesë të vogël të jetës së tij familjare.
Blendi tregoi se njohja e tij me bashkëshorten Anora Topi ka nisur në “Facebook”.
“Njohja e parë ka qenë në Facebook. Ka qenë një moment kur unë isha duke u shkëputur nga Amerika. Kemi qëndruar bashkë dy vite dhe më pas u martuam. Propozimi për martesë ishte i thjeshtë, ajo thotë se nuk jam shumë romantik, por unë mendoj se jam. Ne udhëtonim shumë dhe ne kemi qenë në Dhërmi. Ishte fundi i Majit kur i propozova. Ne ishim duke u kthyer nga një klab. Dasmën e kemi bërë në periferi të Tiranës, në një ambient jashtë”,- tha ndër të tjera Blendi.
