Çdo fillim emisioni, dy aktorët Devisi dhe Dori, që janë moderatorë të “Fiks Fare”, e fillojnë programin me muzikë dhe kërcim.
Por emisioni i mbrëmshëm ka qenë i veçantë, pasi dyshja e hapën programin duke imituar lëvizjet e Luanës ndërsa në sfond dëgjohet kënga “Benzina”.
Duke shkëmbyer batuta me njëri-tjetrin, Dori i thotë Devisit “më je bërë si benzina”, ndërsa ky i fundit ia pret: “Dy gjëra nuk duhet të të lënë në jetë: benzina dhe gruaja”.
Hyrjen e ka parë edhe Luana, e cila megjithëse vijon të jetë me pushime në Xhamajkë, menjëherë e ka postuar në profilin e saj duke përshëndetur djemtë e Fiksit:
“Hahaha, Ju dua Dorian Ramaliu dhe Devis Muka. Jeni të mëdhenj përfundimisht”, shkruan ajo.
