Ajo është sot një nga modelet më të njohura shqiptare, por karriera në fillimet e saj nuk ka qenë edhe aq fitimprurëse.
E ftuar në emisionin e pasdites me Rudina Magjistarin, Elena Lika u shpreh se po mendon të distancohet gradualisht nga modelingu dhe t’i futet gazetarisë.
Ajo tregoi sa kanë ndryshuar gjërat për të dhe gjithë modelet shqiptare në krahasim me fillimet e saj. Lika pranoi se sot paguhet shumë më mirë se më parë, madje na siguroi se ‘do qeshnim kur të mësonim rrogën e saj të parë’: 100 mijë lek të vjetra.
Modelja bukuroshe tha se ky profesion e ka ndihmuar shumë, jo më kot e ka vazhduar deri tani:
“Pagesat më kanë ndihmuar për shpenzimet e mia personale, të shkollës apo dhe në shtëpi për të paguar ndonjë faturë”, vijon modelja që e ndjen si detyrim ndaj prindërve të saj që kanë investuar gjithçka nga vetja për të ardhmen e saj.
