Nëna e saj Yolanda ndodhet në betejë ndaj sëmundjes “Lyme” që prej vitit 2012. Dhe vajza e saj Bella Hadid përdori fitoren e saj të çmimit “Modelja e Vitit” në “GQ Men Of The Year Awards” mbrëmjen e së martës, për të folur për vuajtjet e nënës së saj.
“Kjo është hera e parë që nëna ime po ngrihet nga shtrati në katër vite, ka rregulluar flokët dhe është lyer me makijazh dhe jam shumë e lumtur që ajo është këtu”, tha modelja para audiencës, ndërsa mori çmimin.
Dukshëm shumë e emocionuar, Bella iu drejtua audiencës: “Kam një atak në zemër. Kjo është çmenduri. Kam punuar vërtetë shumë dhe është çmenduri që vlerësohet”.
52-vjeçarja Yolanda dukej e mrekullueshme me “jumpsuit” e zezë me një shpatull jashtë dhe detajin e zinxhirit floriri, duke bërë kontrastin me fustanin e vajzës së saj rozë pastel me supe jashtë, dizajnuar nga “Hugo Boss”.
Sëmundja “Lyme” është një virus bakterial që shfaqet në formën e njollave të kuqe në lëkurë, si dhe shkakton kruarje të shpeshta. Në një formë më të avancuar, pasojat e saj arrijnë deri në humbje të aftësisë lëvizëse të fytyrës, dhimbje të forta koke, temperaturë e lartë, si dhe probleme me zemrën.
Motra e saj Gigi Hadid është e vetmja pjesëtare e familjes që nuk është e prekur nga kjo sëmundje, pasi edhe Bella deklaroi se vuan prej saj.
*Shfleto galerinë
Burimi: Daily Mail
