Modelja e veçantë Adwoa Aboah në mënyrë të guximshme foli hapur për betejat e saj me depresionin dhe tentativën për të kryer vetëvrasje. Ajo foli krah nënës së saj, Camilla Lowther, për fushatën “Heads Together” lidhur me betejën me drogën, çrregullimin bipolar dhe depresionin.
“Gjatë gjithë kohës, ndihesha sikur isha gjithnjë e më shumë e lodhur. Kisha ato momentet ku ngjiresha dhe disa njerëz më shikonin nëse isha mirë, por unë thjesht vendosja të veproja sikur çdo gjë ishte në rregull”, thotë modelja.
“Ne të gjithë vepruam ashtu. Të gjithë mohonim. Unë thjesht mendova se kishte probleme me drogën. Nuk mendova se ishte diçka tjetër, derisa u përpoq të vriste veten”, thotë nëna e saj.
Dyshja u shpreh sesa e vështirë ishte të kuptonin se çfarë po ndodhte dhe për nënën e saj të kuptonte idenë e depresionit.
“Nuk dija ta ndaja me dikë tjetër faktin se isha shumë në depresion”, thotë Adwoa.
“Është e vështirë ta kuptosh. Ti je kaq e bukur, ke një shtëpi të bukur, ke një jetë të bukur, por në fakt kjo është një nga gjërat më të këqija të depresionit, që nuk shihet fizikisht”, i drejtohet nëna.
Aboah tregon sesi menaxhoi që të kalonte depresionin dhe të ishte e lumtur sërish:
“Shkoja në takime dhe flisja e flisja. Kjo është gjithçka që bëra për ta kaluar. Tani që jam këtu dhe jam e lumtur, nuk mund ta besoj se ishte aq e thjeshtë. Thjesht, të flasësh”.
Burimi: Harper’s Bazaar
