Veç kombinimit të përditshëm, në zgjedhjen e veshjeve duhet të mendoni për t’u bazuar edhe te forma e trupit. Për të zgjedhur veshjen e duhur nuk duhet medoemos të shpenzoni shuma marramendëse, por të gjeni atë që i përshtatet trupit tuaj. Katër format trupore që njihen deri më tani janë: forma e mollës, dardhës, klesidrës (ora prej rëre) dhe bananes.
Trupi në formë molle
Zhvendosni vëmendjen nga beli dhe supet dhe nxirrni në pah pjesën e poshtme të trupit. Fustanet me motive luleje, këmishat me jakë V jo shumë të theksuar dhe mëngë të gjata, fustanet me motive perandorake (si ato të hyjnive greke) janë idealet për trupin tuaj. Mos harroni të ekspozoni këmbët.
Trupi në formë dardhe
Kjo formë nënkupton se keni vithe më të gjera se pjesa e sipërme, shpatullat. Të pasmet janë të plota dhe beli dallohet lehtë. Hiqni dorë nga pantallonat e ngushta ose streçet dhe filloni të përdorni pantallona me prerje të drejtë e paralele, xhaketa të shkurtra mbi bel, theksoni bustin duke ekspozuar reçipetat, vishni funde në formë kambane etj.
Trupi në formë bananeje
Ky lloj trupi ka pothuajse të njëjtën gjerësi në shpatulla, në bel dhe vithe. Përqendroni vëmendjen tek krahët dhe këmbët. Femrat që kanë këtë formë trupi duhet të theksojnë siluetën duke përdorur rripa që krijojnë thyerje, funde me pala ose të shkurtër mbi gju, bluza “crop-top” dhe fustane me flutura.
Trupi në formë klesidre
Femrat që kanë këtë formë trupore kanë bel të ngushtë dhe vithe e shpatulla të gjera. Mos fshihni format tuaja. Vishni xhaketa me bel , pantallona të ngushta, funde me bel të lartë dhe veshje që theksojnë bustin.
