Mbrëmjen e sotme mjeku i njohur infeksionist Tritan Kalo, i ftuar në emisonin “Përballë” ka folur lidhur me situatën e koronavirusit në Shqipëri.
Kalo u shprehur se është i shqetësuar, pasi personat e shëndetëshëm do të infektohen nga ata që ai i cilësoi si “të papërgjegjshëm”.
“Shqetësimi më i madh që kam tani është që hapja të bëhet gradualisht por sjellja e individëve të papërgjegjshëm do bëjë që me veprimet e tyre ta pësojnë njerëzit e përgjegjshëm”, tha mjeku Kalo.
I pyetur nëse Shqipëria është e përgatitur për një valë të dytë koronavirusi, Kalo nuk e përjashtoi mundësinë, pasi sipas tij vendi nuk i ka shfrytëzuar të gjitha kapacitetet.
“Jemi, se nuk janë shfrytëzuar strukturat e parapërgatitura nëse shtrihet një gjë e tillë. Rikthimi në shtator, ka diçka që luhatet por në shtator s’ka vetëm Covid nuk është vetëm gripi janë dhe viroza të tjera,”-shtoi mjeku.
Ditën e sotme numri i të infektuarve në vendin tonë i kaloi 600 dhe 25 raste u shënuan vetëm ditën e sotme.
