Mbrëmjen e sotme, në një lidhje direkte me emisionin “360 gradë”, mjeku Pëllumb Pipero u shpreh se i qëndron idesë se pas një personi të infektuar fshihen 10 të tjerë.
Sipas tij, shifra e të prekurve nga Covid-19 mund të ketë kaluar 1500, megjithatë është e pamundur që kjo të vërtetohet.
Sipas Piperos, e vetmja mënyrë për të ndaluar përhapjen e epidemisë është zbatimi i të gjitha rregullave, ndaj i bëri thirrje qytetarëve për ndërgjegjësim.
“Pas një personi fshihen 10 të infektuar dhe në Shqipëri duke llogaritur shifrat që kemi aktualisht janë 1500. unë mendoj në fakt se janë më shumë se 1500, dhe ky është një realitet i njohur në vendet e tjera, por e pamundur të verifikohet në njësinë e kohës. Nga ky virus askush nuk është i përjashtuar. Të gjithë kemi të prekshëm dhe të sëmurshëm. Të fatkeqësisht moshat e vjetra dhe të sëmurët kronik më shumë. Ne nuk mund t’i shmangemi këtij virusi duke i dalë përballë, por duke zbatuar këshillat dhe vendimet.”- u shpreh mjeku.
Deri tani, numri i personave të infektuar në vend ka shkuar në 104.
Gjithashtu, nga kjo epidemi kanë humbur jetën 4 persona.
