Aktori i njohur i humorit Visjan Ukcenaj së fundmi ka publikuar një projekt muzikor të titulluar “S’ka si ti”, që i dedikohet vogëlushit të tij, Divin.
Siç mund ta shikoni në videon e mëposhtme, në videoklip nuk mungon as bashkëshortja e Visjanit, Jona Xhelilaj dhe të tre së bashku formojnë panoramën ideale të një familjeje të lumtur.
Pasditen e sotme Visjani ishte i ftuar në emisionin “Rudina” prej ku foli më gjerë për këngën që i ka dedikuar djalit të tij 7 muajsh.
Në mes të intervistës moderatorja Rudina Magjistari i tha aktorit të njohur se ka një surprizë për të. Bëhej fjalë për një videomesazh në të cilin shfaqeshin bashkëshortja dhe djali i aktorit.
Visjani u emocionua aq shumë saqë u përlot dhe mjekra filloi t’i dridhej.
“Faleminderit për emocionet e bukura”, tha Ukcenaj dhe pohoi ndër të tjera se shpeshherë i kishte tallur personat të cilët qanin në ekran.
Por ja që emocionet ndonjëherë janë të pakontrollueshme! /iconstyle.al
