Meghan Markle tashmë zyrtarisht ka Instagram dhe kjo nuk është aspak një gënjeshtër!
Për të gjithë ata që janë kuriozë dhe që po vdesin për t’i bërë “follow” (ta ndjekin), në Instagram, llogaria e saj quhet “sussexroyal”.
“Mirë se vini në llogarinë tonë zyrtare në Instagram! Duam të ndajmë me ju kauzat që mbështesim, njoftime të rëndësishme. Ne ju falënderojmë për mbështetjen tuaj dhe ju urojmë mirëseardhjen në @sussexroyal! Harry dhe Meghan”, shkruhet ndër të tjera në postimin e tyre të parë.
Rikujtojmë se Meghan, e cila është në javët e fundit të shtatzënisë, ka pasur edhe më parë një llogari Instagram-i, përpara se ajo të zyrtarizonte lidhjen e saj me princ Harry. Ky i fundit nga ana tjetër, asnjëherë nuk ka pasur një llogari të tillë.