Në orët e para të mëngjesit të sotëm, një tjetër pacient i infektuar me Covid-19 dhe i shtruar prej një jave në Spitalin Covid2, “Shefqet Ndroqi”, u vetëhodh nga kati i katërt i godinës së spitalit ku po kurohej.
Ky precedent brenda një kohë të shkurtër është përsëritur në këtë spital, tre herë!
Misteri që nuk po e kupton njeri është: çfarë i shtyn këta pacientë të vrasin veten? Çfarë shikojnë ata, si kurohen, përse gjatë izolimit në dhomë kalojnë në gjendje të rëndë psikologjike,etj?
52-vjeçari Preng Gjonaj cili u vetëhodh ditën e sotme, ishte i shtruar në spital prej gati një jave dhe ishte vendosur në katin e katërt. Mësohej se në dhomë ishte vetëm.
Dyshohet se 52-vjeçari me origjinë nga Tropoja ka kryer aktin e rëndë në gjendje të rënduar psikologjike. Po ashtu, është bërë me dije se personi në fjalë nuk ka pasur probleme të shëndetit mendor më parë.
Ndërkohë kujtojmë se gjatë muajve të kaluar, nga ambientet e “Covid-2”, janë vetëhedhur me pasojë vdekjen edhe dy pacientë të tjerë.
Më 13 gusht është hedhur nga kati i tretë i spitalit dhe humbi jetën 29-vjeçari Xhino Koça nga Durrësi. Ndërsa në 2 shtator 65-vjeçari Hasan Mira ishte pacienti i radhës që i dha fund jetës duke u hedhur po nga kati i katërt i “Shefqet Ndroqit”, dy ditë pasi ishte shtruar.
Pas ngjarjes së rëndë së ditës së sotme, ka folur për mediat edhe drejtori i spitalit “Shefqet Ndroqi” Perlat Kapisyzi. Drejtori para mediave deklaroi se pacienti është shtruar në spital më 25 tetor, ndërsa shtoi se ai iu nënshtrua gjithë ekzaminimeve sipas protokolleve të caktuara.
Kapisyzi tha ndër të tjera, se nga të dhënat që ia kishin dhënë mjekët, 52-vjeçari Preng Gjonaj nuk paraqiste ndryshime, apo shenja psikologjike jo normale.
Ajo që është më e çuditshmja, është fakti se kur u pyet nga gazetarët, se përse nuk janë marrë masa për sigurimin e dritareve të spitalit me kangjella prej hekuri, me qëllim që të mbrohen pacientët dhe të shmangen këto lloj tragjedish të përsëritura, drejtori Kapisyzi nuk dha asnjë koment.
Pikërisht, ky gjest të bën që të dyshosh, se kjo mund të jetë një axhendë, një neglizhencë e qëllimshme, për eliminimin e pacientëve, edhe pse kjo gjë mbetet ende një teori konspirative.
Por nga ana tjetër edhe faktet, të paktën deri më tani flasin kështu.
Pasi është e pamundur që megjithë apelin e mediave, e të afërmve të pacientëve, që dritaret e kateve dhe dhomave të spitalit duhet të përforcohen me kangjella hekuri mbrojtëse, të shkohet në vesh të shurdhër.
Ky skandal thellohet edhe më shumë, kur ngjarjet e tilla të kobshme përsëriten tre herë dhe ndërkohë asnjë instancë, përfshirë dhe Ministrinë e Shëndetësisë nuk ndërmarrin asnjë hap!/Iconstyle.al/
