Një mister i ri është zbuluar rreth figurës së Aleksandrit të Madh, një prej figurave më enigmatike të historisë. Arkeologët besojnë se një varr i zbuluar së fundmi në Greqi, ndërtuar me një arkitekturë madhështore dhe elementë të pazakontë për kohën, mund të jetë ndërtuar për mikun më të ngushtë dhe ndoshta dashurinë e jetës së tij, Hefestionin.
Zbulimi i këtij varri i ka shtyrë studiuesit të rishikojnë marrëdhënien midis Aleksandrit dhe Hefestionit, duke sugjeruar një lidhje shumë më të thellë sesa besohej më parë. Struktura monumentale, e krahasueshme me varret mbretërore, hedh dritë mbi ndjenjat e forta që Aleksandri kishte për të dhe mënyrën si ai i shprehte në mënyrë publike.
Ky zbulim ka hapur një debat të ri mes historianëve: a ka qenë ky varri i ndërtuar si një formë nderimi pa precedent, apo si një shprehje e dashurisë dhe pikëllimit të Aleksandrit për humbjen e njeriut që konsiderohej “gjysma tjetër e shpirtit të tij”?
Pavarësisht interpretimeve, një gjë është e qartë: figura e Aleksandrit të Madh vazhdon të mahnisë dhe të sfidojë historinë, duke sjellë gjithnjë e më shumë të panjohura në dritë.
