Një konkurs bukurie me titull Miss Freedom of the World u mbajt në Kosovë dhe mblodhi përfaqësuese të 21 shteteve nga e gjithë bota.
Nga Nigeria
Nga Maroku
Nga Korea
Dhe nga Serbia.
Tani, Miss Serbia Irina Jovanka ishte ajo që ra në sy më tepër nga të gjitha. Jo vetëm sepse ishte bjonde me buzët e kuqe, porse bëri një gjest i cili historikisht është kthyer në çështje kombëtare për serbët; së paku në media.
Vajza vendosi të mos largohej nga kamera pa bërë shenjën e shqiponjës me dy duar.
Powered by Embed YouTube Video
Dhe jo një herë por, sa herë mundi.
Shikojeni tek video më poshtë:
Reagimi i medias serbe qe i ashpër.
Sot, “Kurir” publikoi një artikull dedikuar Irinës, duke e konsideruar me gërma të mëdha një SKANDAL veprimin e saj.
“Madje nuk i erdhi keq as ta bënte simbolin me dy vajzat që përfaqësonin Shqipërinë dhe Kosovën, simbolin e Shqipërisë së madhe.”
Në lidhje me këtë gjest u mor në pyetje nga mediat edhe Vesna de Vinca, pronarja e agjencisë së modelingut nga ku u përzgjodh Irina.
Ajo u shpreh:
“Kompania ime gjithmonë ka qenë e ndërgjegjshme për interesin e kombit dhe të popullit tonë. Natyrisht, nuk kam asnjë lidhje me zgjedhjen e vajzës apo atij që e ka dërguar.”
Ajo madje e konsideroi një komplot:
“Unë nuk jam i sigurt se ajo e di se çfarë po bën, por jam i sigurt se ata që e kanë dërguar dhe që kanë organizuar këtë zgjedhje e dinë mirë.”