“Anna Oxa, pasi mori vesh tragjedinë e ndodhur më 26 nëntor, më telefonoi dhe më pyeti se ç’do të bëhej me Këngën Magjike. Ajo u emocionua nga misioni dhe pa u menduar, më tha se të mërkurën (4 dhjetor) do të jetë këtu, tek Kënga Magjike. Më tha se do të blej një biletë dhe do të ulem tek publiku duke shtuar se ne artistët, për këtë jemi”,– u shpreh Arditi në emision.

Ndërkohë në Instagram shkruan: “Faleminderit! #ANNAOXA

Pasi për ditë të tëra ka pyetur se si po shkon vendi me situatën e tërmetit, të mërkurën në mbrëmje, do të jetë me ne në natën e parë @kengamagjikeofficial duke u bashkuar me kauzën e artistëve shqiptarë”.

Këtë vit të gjitha paratë që do të fitohen nga shitja e biletave në “Kënga Magjike” do të shkojnë për të prekurit nga tërmeti.