Në një lidhje me Skype me “Tv Ora”, Ministrja e Arsimit, Besa Shahini, ka qetësuar maturantët të cilët shumë shpejt do të duhet të zhvillojnë provimet përfundimtare.
Sipas Shahinit, askush nuk do të djegë vitin shkollor, ndërsa shpreson që datat e provimeve të mos ndryshojnë.
Ministrja u shpreh se maturanët nuk duhet të shqetësohen pasi në provimet e tyre s’do të kenë tema të pazhvilluara.
“Nuk ekziston mundësia e djegies së këtij viti. Do marrim parasysh gjithë punën e bërë deri në kohën kur filloi pandemia dhe punën që po bëhet online. Vlerësimi do të bëhet duke marrë parasysh gjithë punën para dhe pas pandemisë. Mësuesit e kanë më lehtë se pedagogët se i njohin më mirë nxënësit e tyre. E dinë nivelin dhe potencialine tyre. Po bëhen vlerësime aq sa është e mundur në këto kushte.Kur të kthehemi në shkolla do bëhet vlerësimi përfundimtar. Shpresoj se nuk kemi nevojë të lëvizim datat dhe të kryejmë edhe provimet kombëtare që të mbyllim vitin shkollor si duhet.
am shqetësim vetëm për nxënësit që janë më të dobët në mësime apo vinë nga familje me kushte të vështira ekonomike që mund të mbeten më mbrapa në mësime. Ka qenë ndryshim i madh por edhe kanë përfituar diçka shtesë, shumica e tyre.
Sivjet provimet e maturës do ti bëjmë në salla të mëdha si vitete tjera, korrigjimni i tëri dixhital ndërsa testi do të administrohet me laps dhe letër. Kjo do të ndodhë kur të mbyllet periudha e pandemisë dhe të kemi mundësi të grumbullohemi në salla të mëdha. Matura është në qershor dhe shpresoj të kemi mundësi deri atëherë. Duhet të kemi kujdes me pyetje që i bëjmë, të heqim temat që nuk janë zhvilluar gjatë kësaj periudhe që të jetë sa më i drejtë. Maturanët të mos shqetësohen, ta shfytëzojnë kohën për të mësuar sa është e mundur.
I kemi orientuar mësuesit e maturantëve që të fokusohen te lëndët që ata kanë zgjedhur për maturë dhe të mos i ngarkojnë me lëndë të tjera. Po shohim dhe shtetet e tjera. Gjermania ka lëvizur datat se i ka pasur në fillim të majit, Franca i ka në qershor si Shqipëria dhe nuk ka njoftim që ti anulojë. Maturantët nuk kanë nevojë të shqetësohen, ne do të marrim parasysh se cilat tema i kanë zhvilluar dhe cilat jo.
Janë disa opsione, të shtyhet matura për një moment të dytë. Kjo nuk është problem për maturantët në univeristetet shqiptare pasi do bëjmë një marrëveshje që të pranojnë aplikimet me vonesë. Besoj se nuk do të jetë as për ata që studiojnë jashtë pasi jemi në komunikim të të shtyjnë datat e pranimeve. Të gjithë jemi në këtë situatë. Besoj se do krijohen kushet që të gjithë të kenë mundësi të aplikojnë në Universitetet që duan të studiojnë edhe nëse jemi të detyruar të shtyjmë datat e këtij provimi të rëndësishëm.”- u shpreh Besa Shahini.
