Miley Cyrus u përpoq në mënyrë të dëshpëruar për të shpëtuar martesën e saj me Liam Hemsworth para se të ndaheshin në heshtje disa muaj më parë, sipas burimeve të afërta me çiftin.
Siç është raportuar nga TMZ, ylli i hitit “Wrecking Ball” dëshironte të shkonte në terapi me burrin e saj për të rregulluar marrëdhënien e tyre, por ai nuk dëshironte.
Dyshja e konfirmoi ndarjen të shtunën, por besohet se ata i dhanë fund në qershor.
Pamjet e fundit të çiftit që është fotografuar në publik i përkasin datës 9 korrik, por ata dukeshin vërtet shumë të palumtur.
Sipas TMZ, Miley filloi të takohej me Kaitlynn Carter pas ndarjes së saj me Liam, i cili me sa duket nuk ishte i gatshëm të luftonte për martesën e tyre.
Një burim pretendon se dy vajzat janë mikesha prej vitesh.
Miley, 26 vjeç dhe Kaitlynn, 30 vjeç, u fotografuan duke u puthur në një festë vajzash në liqenin Como, Itali të premten.
Vetëm 24 orë më vonë, këngëtarja njoftoi ndarjen e saj nga Liam, 29 vjeç.
