Lajmi se miku i reperit, Stresi u plagos nga forcat “Shqiponja” mbrëmjen e kaluar ishte lajmi më i bujshëm në të gjitha mediat ditën e sotme. Sidion Tabaku u plagos në këmbë me armë zjarri pasi “Shqiponjat” po e ndiqnin dhe ai nuk ndaloi.
Ndërkohë i riu është edhe mik i reperit shqiptar, i cili ka thënë se ka qënë me mikun e tij pak orë para se të ndodhte ngjarja.
Në një intervistë për “Fax Web” Stresi tha se ekspertiza është manipuluar pasi miku i tij është dhunuar dhe pas plagosjes është dhunuar.
“Ai ka plumb në kofshë dhe raporti mjekësor nuk ka nxjerrë gjë që mbrëmë. Që mbrëmë kanë qënë me qindra forca policie dhe nuk na lejonin të afroheshim e as të shihnim gjë.Kanë manipuluar ekspertizën, kanë manipuluar raportin mjekësor. Ai është masakruar në fytyrë. Ne kemi besim te policia të na mbrojë, jo të na vrasë. I shtrirë në tokë i kanë thënë “Pusho se të vramë”. Nuk dimë më nga të mbrohemi, ku të mbrohemi. I bie të mbrohemi vetë se s’dimë ç’të bëjmë” – tha ai për “Fax Web”.
Reperi shtoi më tej se Sidioni nuk ka bërë asnjë manovër për të shmangur policinë.
