Këngëtarja e njohur shqiptare me fame botërore, Bebe Rexha, nëpërmjet një postimi në Twitter ka njoftuar se ka humbur një nga miqtë e saj.
Shkak për vdekjen e tij është bërë Koronavirusi, ndaj këngëtarja ka një mesazh për të gjithë.
Ajo thotë se miku i saj ishte 45 vjeç dhe u bën thirrje të gjithëve që të qëndrojnë në shtëpi.
“Kjo nuk është një shaka. Një mik i një miku sapo vdiq nga Koronavirusi në moshën 45-vjeçare. Qëndroni të sigurt në shtëpi dhe bëni detyrën tuaj. Ju lutem,” ka shkruar Bebe.
Më pas Bebe Rexha ka shtuar edhe disa fjalë për presidentin Donald Trump, ku thotë se ai duhet të heqë dorë nga disa taksa, në mënyrë që të ruajë sigurinë në vend.
“Qeveria amerikane duhet të ndalojë pagesat për qiratë, pagesat e hipotekave dhe pagesat e shërbimeve, të paktën derisa Koronavirusi të jetë nën kontroll. Miliona amerikanë janë të shqetësuar për mbajtjen e punëve të tyre dhe shtëpitë e tyre në vend që të qëndrojnë të sigurt”, ka shtuar ajo.
Koronavirusi ka marrë përmasa të frikshme dhe vetëm në Itali janë shënuar 3405 viktima.
