Nje studim i ri i bërë në Wuhan, epiqendra e virusit, përshkruan progresin e plotë të COVID-19.
Në studim morën pjesë pacientë të ndryshëm të infektuar me Koronavirus në 29 dhjetor 2019, të cilët deri në fund të janarit ishin shëruar ose kishin ndërruar jetë.
Ditë pas dite Koronavirusi shkon nga temperatura e lartë dhe humbja e fuqisë deri tek vështirësitë e frymëmarrjes.
Sipas studimit koha mesatare e temperaturës dhe shenjave të tjera është 12 ditë por kolla zgjat shumë më shumë.
Simptomat e para nisin 5 ditë pas infektimit dhe ato janë kolla e thatë dhe temperatura e lartë.
8 ditë pas infektimit, nisin problemet me frymëmarrjen dhe pacientët e kanë të vështirë të plotësojnë sasinë e oksigjenit në trup.
Disa persona, janë të aftë të mposhtin virusin që në ditën e shtatë, prandaj 85% e të prekurve nuk kanë nevojë për respiratorë.
Sipas studimit, që një pacient i infektuar të shërohet plotësisht duhen 22 ditë dhe koha mesatare për vdekje është 18.5 ditë.
