Pak ditë më parë tema e dhunës ndaj grave u bë e përfolura, pas historisë të dhimbshme të vrasjes së gjyqtares Fildes Hafizi. Të nxitur nga aktualiteti i rëndë shqiptar, nisi një protestë paqësore, prej të cilës fotografia e një protestuese që mbante në dorë një pankartë ku shkruhej, “Kur të nevrikosesh laj enët, mos vrit gruan”, mbushi rrjetet sociale.
Tashmë Papa Françesku dënon dhunën verbale dhe fizike ndaj grave si dhe bën thirrje që tregohet respekt ndaj tyre. Gjatë një vizite në Kolumbi Papa tha se shumë gra kanë ngulmuar veten duke qëndruar në heshtje e duke mos treguar dhunën që u bëhet për shkak të frikës se mund të përballen përsëri me dhunë, por edhe me vrasje.
Papa argjentinas, i pari që vizitoi vendin për më shumë se tre dekada, tha se Bibla kremton gratë që janë të forta dhe me ndikim. Ai ndodhet në një udhëtim pesë ditor për të përcjellë nevojën për paqe. Gjatë fjalimit të tij ai u ndërpre vazhdimisht nga duartrokitjet ndërkohë që thoshte se shumë vende ndodhen ënde nën një shoqëri patriarkale dhe shoviniste.
