Ditën e djeshme, këngëtarja Elvana Gjata ishte goca e ditëlindjes, e cila festoi 34-vjetorin.
Teksa të gjithë prisnim të shihnim në rrjete sociale dhuratat që këngëtarja mori për këtë ditë speciale, ishte Elvana ajo që i bëri fansave një dhuratë të bukur!
Ajo lançoi një projekt të ri për të cilin s’na kishte lajmëruar më herët dhe “Thirr” ishte dashuri me dëgjim të parë!
Kjo baladë e ngrohtë erdhi posaçërisht për këto ditë të ftohta dhe të gjithë po i japin vetëm ‘replay’.
Mirëpo, një detaj na shpëtoi të gjithëve nga kënga e Elvanës! Në fund të videoklipit, ajo ka dhënë një mesazh të koduar ku shkruan “Loading” dhe më pas shfaqej data “03.2021”.
Pra, duket se surpriza nuk përfundoi këtu dhe në muajin mars do të kemi sërish të reja nga Elvana!
Për ditëlindje, Elvana tregoi se mori surprizën më të bukur nga dy prindërit e saj, të cilët i shkuan në derën e shtëpisë me buqeta lulesh në duar. Këngëtarja e filmoi këtë moment, të cilin e ndau më pas me të gjithë ndjekësit e saj.
Gjithashtu, ajo mori urimin më të bukur nga gjysma e saj më e mirë, Jonida Vokshi.
Kjo e fundit ka postuar në Instagram një foto me Elvanën dhe ka bërë një urim të shkurtër por shumë domethënës.
“Të kam të shtrenjtë të shpirtit! Gëzuar ditëlindjen”, ka shkruar Jonida përkrah fotos me këngëtaren.
