Justin Bieber dhe Hailey Baldwin më në fund pranuan disa ditë më parë se janë zyrtarisht burrë dhe grua! Dhe tanimë është zbuluar se kush e dha idenë e dasmës “rrufe”.
Sipas revistës “People”, ishte Hailey ajo që donte të kurorëzonte në martesë lidhjen e tyre sa më parë, për t’i dhënë një mësim gojëve të liga.
“Dasma në gjykatë ishte ideja e saj! Përdori teorinë ‘jemi unë dhe ti kundër botës. Le t’i tregojmë botës se jemi shumë seriozë për dashurinë tonë dhe nuk është diçka e momentit” – u shpreh burimi për “People”.
Nga ana tjetër, burimi sqaron se Hailey është një vajzë me këmbë në tokë dhe kërkon që të respektohet në këtë marrëdhënie.
“Hailey është një vajzë shumë e zgjuar. Nuk është e verbuar nga dashuria për Justin dhe nga ato që bën ai. Ajo e do Justin, madje ka dashur të jetë me të për një kohë të gjatë.” – u shpreh burimi.
Gjithashtu, ju prezantojmë me Hailey Bieber! Modelja ka zgjedhur që të ndryshojë mbiemrin e saj duke marrë atë të Justin, dhe prezantohet kudo me identitetin e ri!
