Reperi Gjiko dhe moderatorja Elita Rudi kurorëzuan në martesë historinë e tyre të dashurisë, në një dasmë madhështore që do të mbahet mend gjatë. E tanimë që dasma e saj përfundoi, Elita është kujdesur që t’ua kthejë nderin edhe çifteve të tjera që e kanë ftuar në celebrimin e martesës.
Mbrëmjen e djeshme, moderatorja zbuloi se ndodhej në dasmën e familjarëve të Gjikos, përmes një video të shkurtër ku shfaqej nga salla e restorantit.
Momente më pas, Elita na prezantoi edhe me vjehrrën, Lirije Gjikolli, përmes një fotoje ku shfaqen shumë të buzëqeshura duke pozuar krah njëra-tjetrës.
“Nano” – e quan Elita vjehrrën, duke i vendosur bashkëngjitur fotos emoji-n e një zemre dhe një trëndafili.
Mendohet se moderatorja është në pritje të ëmbël dhe se së shpejti ajo dhe Gjiko, do të bëhen për herë të parë prindër. Megjithatë, çifti duket se ka vendosur ta shijojnë ardhjen e bebit, në heshtje.
